Update News : नुवाकोटमा साँझपख गाडी पल्टदा ठूलो मानविय क्षति

काठमाण्डौं । नुवाकोटको समुद्रटारबाट शिखरबेंसी हुँदै घ्याङफेदीतर्फ गइरहेका बा३ख३९१३ नम्बरको मिनी ट्रक साझपख दुर्घटना हुदा १७ जनाको ज्यान गएको छ भने एकदर्जनवढी घाईते भएको बताईएको छ । प्रहरीले घाईतेहरुलाई उपचारका लागि घटनास्थल नजिक रहेको खरानीटारस्थित स्वास्थ्य चौकीमा पठाईएको छ । स्थानियले गंभिर घाईते ७ जनालाई काठमाण्डौं र अन्य केहिलाई जिल्ला सदरमुकाम विदुर पठाएका छन् ।

जिल्ला प्रहरी कार्यालयका प्रवक्ता एवं डिएसपी भीमलाल भट्टराईका अनुसार दुर्घटनामा १४ जना पुरुष र तीनजना महिलाको ज्यान गएको भन्ने जानकारी पाएको बताउनुभयो ।  मृतकमध्ये घ्याङ्फेदीका आइते तामाङ, रिबल तामाङ र शिवरबेसीका रितेश पण्डितको पहचिान खुले र अन्य १४ जनाको परिचय नखुलेको भन्ने जानकारी आएको उनले बताए ।

सिम्टाङमा आएका स्थानियवासी घर फर्किने क्रममा दुर्घटनामा परेका बताइएको छ । उक्त मिनी ट्रक भीरबाट तीनसय मिटर तल खसेको छ। मृतकको शव र घाईतेहरु सदरमुकाम विदुरमा ल्याउने काम भएको छ । मिनी ट्रकमा ४० जना भएको अनुमान गरिएको छ । घटनास्थल सदरमुकामदेखि तीनघण्टा टाढाको दुरीमा रहेको प्रहरीले जनाएको छ ।