पेट्रोल डिजेल र मट्टितेलको मुल्य घट्यो

नेपाल–भारतले संयुक्त रुपमा भारतको मोतिहारीबाट बाराको अमलेखगन्जसम्म पेट्रोलियम पाईपलाईन बिच्छाएर तेल आयत गर्न थालेसंगै स्वचालित मुल्य समायोजन अन्तर्गत नेपाल आयल निगमले पेट्रोल, डिजेल र मट्टीतेलको मूल्य घटाएको छ। आयल निगमले मंगलबार दिउसोदेखि पेट्रोल, डिजेल र मट्टितेल प्रतिलिटरमा दुई रुपैयाँका दरले मुल्य कम गरेर बिक्री बितरण गर्न थालेको छ।

नेपाल–भारत पेट्रोलियम पाइपलाइन परियोजना उदघाटनका अवसरमा निगमले इन्धनको मूल्य घटाएर उपभोक्ताहरुलाई छुट सुविधा दिएको हो। तर उक्त पाईपलाईनबाट अहिले डिजेल मात्रै नेपाल आउने निगमका कार्यकारी निर्देशक सुरेन्द्रकुमार पौडेलले जानकारीदिनुभयो। आजै दिउसो १२ वजेपछि मुल्य घटाएर अहिले पेट्रोल प्रतिलिटर १०७ रुपैयाँ, डिजेल ९५ र मट्टीतेल ९५ रुपैयाँ कायम गरिएको छ।