हेल्मेटले हिर्काएर ६ लाख रुपैया लुटेर फरार

भैरहवा। अज्ञात व्यक्तीले रुपन्देहीको भैरहवा–लुम्विनी सडकस्थित औधोगिक कोरिडोरमा विहिवार दिउसै रिलायन्स सिमेन्टको ६ लाख रुपैया लुटेर फरार भएका छन्। भैरहवादेखि पैसा लिएर ८ किलोमिटर पश्चिम फैक्ट्रीतर्फ जार्दै गरेका सिमेन्टका बजार प्रतिनिधी अवधेश त्रिपाठी -सुनिल- लाई फैक्ट्री नजिकै दुईजना लुटेराले हेल्मेट प्रहार गरेर ६ लाख रुपैया लुटेर फरार भएका छन्।

लुटेराले हेडमेडले हानेर घाईते भएका त्रिपाठीको भैरहवास्थित युनिभर्सल शिक्षण अस्पतालमा उपचारका लागि भर्ना भएका छन्। उनको अवस्था सामान्य छ। उक्त घटनाको प्रहरीले थप विस्तृत अनुसन्धान एवं जानकारी लिने काम गरिरहेको रिलायन्स सिमेन्टका कर्मचारी गोविन्द बोगटीले बताए।

दुईसाता अघि पनि अज्ञात व्यक्तिले रुपन्देहीको सदरमुकामदेखि पूर्व भैैरहवा–धकधई–परासी सडकखण्डको रोहीणी पुल नजिक बैकुण्ठपुरमा पटखौलीका ४० वर्षीय महेन्द्र यादवमाथि गोली हानेर हत्या गरी ५ लाख रुपैया लुटेर लगेका थिए । उक्त घटनाका अपराधी पनि अझै पक्राउ परेका छैनन।

रुपन्देहीका प्रहरी प्रमुख प्रहरी उपरीक्षक हेम कुमार थापाले उक्त घटनाको विशेषढंगले गंभिरतापूर्वक अनुसन्धान भईरहेकोले छिटैं वास्तविक रहस्य एवं हत्यारा पता लागेरै छोडिने त्यो छिट्टै सार्वजनिक गरिने बताउनुभयो।