इमरान खान
कपिलवस्तु। कपिलवस्तु जिल्लाको पश्चिमी क्षेत्र शिवराज नगरपालिका २ हल्ला नगरस्थित सुरई खोलामा मंगलवार पौडी खेल्ने क्रममा ३ जना किशोरको ज्यान गएको छ ।
वडा प्रहरी कार्यालय चन्द्रौका प्रहरी निरिक्षक मोतिलाल योञ्जन तामाङले मृत्यु हुने तिनैजना विजयनगर गाउँपालिका ६ का स्थानिय रहेको बताउनुभयो ।
गर्मी अत्यधिक वढेसंगैं खोलामा पौडि खेल्न पसेका युवा गहिरो दहमा फसी ज्यान गएको हो ।
ढुवेर मृत्यु हुनेमा स्थानिय १६ वर्षीय आशिष भट्टराई, १७ वर्षीय कानिरन्जन भुसाल र १८ वर्षीय सुमित सुनार रहेको जिल्ला प्रहरी कार्यालय कपिलवस्तुले जनाएको छ।
खोलामा पौडि खेल्न ४ जना पसेकामध्ये ३ जनाको मृत्यु भएको वडा प्रहरी कार्यालय चन्द्रौटाले जनाएको छ ।
प्रहरीले खोलाबाट पानीमा डुबेका युवाहरुको मृत शवलाई बाहिर निकालेको थियो ।