रुपन्देही र बाकेमा भेटिए कोरोनाका बिरामी

काठमाण्डौ। प्रदेस ५ को राजधानी जिल्ला रुपन्देही र बाकेमा शुक्रवार एकासी दुईजना कोराना भाइरस (कोभिड १९ का) संक्रमीत बिरामी पहिचान भएका छन्।

स्वास्थ्य तथा जनसंख्या मन्त्रालयका सहप्रवक्ता डा. समिर कुमार अधिकारीले शुक्रवार दिउसो प्रदेस ५मा राजधानी जिल्ला रुपन्देहीको कोटहीमाई गाउपालिका वडा नं. १ सिपवा गाऊका २५ वर्षीय युवा बाँके जिल्लाका ६० वर्षका पुरुषमा कोभिड १९ को भाइरस पोजेटिभ भेटिएको जानकारीदिएका छन्।

नेपाल भारत दुवैतर्फ जारी लकडाउनलाई अवेज्ञा गर्दै वैशाख ५गते भारतबाट नेपाल छिरेका ती युवाको स्वाव परिक्षणमा कोरोना पोजेटिभ पाईएको छ। अहिले उनीलाई उपचारको लागि प्रदेस ५को कोरोना अस्पताल बुटवलमा भर्ना गरीएको छ।

यसैगरी बाँकेका पुरुषको खजुरास्थित कोरोना अस्पतालमा उपचार भईरहेको प्रदेस ५ सामाजिक विकास मन्त्रालयका अधिकारीले जानकारीदिए।

प्रदेस ५ सरकार तथा स्थानिय गाऊपालिकाले बिरामीको पुर्ण विवरणसहित उनीसंगको सम्पर्कमा रहेका व्यक्तिहरुको खोजी कार्य राख्ने र रेड जोनका रुपमा उच्च सतर्कता बढाएको सामाजिक विकास मन्त्री सुदर्सन बरालले बताए।

प्रदेस ५मा फेला परेका दुईजना सहित अहिले नेपालमा ५९ जना विरामी पहिचान भएका छन् जसमध्ये १६ जना निको भई घर फर्कीसकेका छन्।