नेपाल सरकारले जेठ १ गतेदेखि लागु हुनेगरी शनिवार र आइतबार दुई दिन बिदा दिने निर्णय गरेको छ।
सरकारले कर्मचारीलाई हप्तामा दुईदिन विदा दिने निर्णयसंगै सरकारी कामकाजीको समय पनि दैनिक एक घण्टा बढाउनुका साथै शुक्रबारको आधा समय कटौती गरेको छ।
जेठ १ गतेदेखि कर्मचारीहरु विहान ९ः३० वजे कार्यालयमा हाजिर भई साझ ५ः३० वजेसम्म कामकाज गर्नुपर्नेछ।
सरकारले विदा दिने उक्त निर्णय मंगलबार मन्त्रीपरिषदको बैंठकले गरेको हो।
सरकारले आर्थिक मितव्यीता अपनाउनका लागि यस्तो निर्णय गरेको जनाएको छ।
कोभिडको प्रभावले राजस्व वृद्धिमा कमी आएको छ भने अर्कोतर्फ देशको शोधनान्तर घाटा एकदमै बढेको छ।
देसमा निर्यात न्यून र आयातमा परनिर्भर हुनुपरेको छ। देसमा विदेशी मुद्रा सञ्चितिले साढे ६ महिनाको वस्तु तथा आयात धान्न मात्र पर्याप्त भएको बताइन्छ।
यसअघि नेपाल विद्युत प्राधिकरण, नेपाल राष्ट्र बैंक, नेपाल आयल निगमले इन्धन खपत कम गर्न र आर्थिक मितव्यीता अपनाउनका लागि दुई दिन विदा गर्न सरकारलाई सुझाव दिएका थिए।
सरकारको सहयोगमा नेपाल आयल निगमले भारतीय आयल कम्पनीबाट वार्षिक २ खर्बभन्दा बढीको पेट्रोलियम पदार्थ आयात गर्ने गर्दछ।
सरकारले कार्यालयहरुलाई इन्धन २० प्रतिशतले कटौती गरेको छ।मंगलबार सरकारले विदेशी मुद्राको सञ्चिति घट्न नदिन स्वस्थ्यमा नकारात्मक असर पार्ने १० वस्तुको आयातमा पूर्ण रुपमा बन्देज लगाउने निर्णय गरेको छ।