मालपोतका दुई कर्मचारी घुस रकमसहित पक्राउ

कपिलवस्तु। अख्तियार दुरुपयोग अनुसन्धान आयोगको कार्यालय बुटवलको टोलीले बुधवार दिउसो कपिलवस्तु मालपोत कार्यालयमा कार्यरत दुईजना कर्मचारीलाई घुस लिएको आरोपमा नियन्त्रणमा लिएको छ।

आयोगको टोलिले मालपोत कार्यालयका खरिदार दुर्गाप्रसाद चौधरी र सुर्य प्रसाद मिश्राले सेवाग्राहीबाट घुस लिएको आरोपमा रंगेहात पक्राउ गरेको बुटवल कार्यालयका सूचना अधिकारी सुरेश भूसालले जानकारीदिनुभयो।

मोही जग्गा नामसरी गरिदिने भनि सेवाग्राहीबाट ६ हजार रुपैया घुस लिएको उनी दुईजनामाथि आरोप लागेको छ। आरोपीत दुवैजनालाई थप अनुसन्धान एवं सोधपुच्छ निम्ती आयोगको कार्यालयले नियन्त्रण राखेको छ।