भैरहवा। रुपन्देही प्रहरीले एकमहिना पहिला हुलाकी सडकखण्ड रोहीणी गाऊपालिका ३ बैकुण्ठपुरमा ओमसतिया पटखौली गाउ निवासी महेन्द्र प्रसाद कुर्मीलाई लुटपाट गरी हत्या गरेको अभियोगमा एक भारतीय नागरिकलाई पक्राउ गरेको छ।
जिल्ला प्रहरी कार्यालय रुपन्देहीले भारत उतरप्रदेश गोरखपुर थाना कम्पियरगन्ज मछरी गाँवका ४० वर्षीय मनिष हरिजन (चमार)लाई बुधवार राती नियन्त्रणमा
अभियुक्त हरिजन यादवलाई गोली हान्ने मुख्य सुटर भएको र योजनाकारसंगै दुईजना अझै पक्राउ परि नसकेको प्रहरी उपरीक्षक हेम कुमार थापाले जानकारीदिनुभयो। अपराधीले अपराध स्विकार गरीसकेको र हत्या गर्ने उदेश्य नरहेको तर पैसा नदिएपछि गोली हान्न बाध्य भएको कुरा अभियुक्तले प्रहरी समक्ष प्रारम्भीक बयान दिएको एसपी थापाले बताउनुभयो।
यसैविच प्रहरीले अभियुक्त हरिजनको साथबाट बारदातमा प्रयोग भएको UP 53 DB 9983 नं.को कालो रंगको पल्सर मोटर साईकल समेत बरामद गरेको जनाएको छ। उक्त घटनामा कुर्मीलाई बाटोमा छेकेर नगद पाँच लाख रुपैया लुटेका थिए।
मृतक कुर्मी भैरहवा बजारको हिमालयन बैंकबाट पाचलाख रुपैया पैसा निकाली लु ९ प ८२३५ नं. को मोटरसाईकल पछाडी श्रीमती बिजय लक्ष्मी कुर्मी र सानो दुधे बालकलाई राखेर घरतर्फ जादै गर्दा भदौं २९ गते रोहीणी गाउपािलका वार्ड नं. ३ बैकुण्ठपुरमा भारतीय नम्बर प्लेटको मोटर साईकलमा सवार अपरिचित व्यक्तिहरुले पैसा लुटी गोली प्रहार गरी हत्या गरेका थिए। फरार अभियुक्तहरुलाई केन्द्रिय अनुसन्धान व्यूरो, जिल्ला सुरक्षा टोलीले व्यापक रुपमा खोज तलास एवं अनुसन्धान सक्रिय प्रयासका कारण भारतीय अपराधी पक्राउ गर्न सफल भएको जिल्ला प्रहरी कार्यालयका प्रवक्ता खडक बहादुर खत्रीले वताउनुभयो।