जोर बिजोरको निर्णयबाट पछि हट्यो सरकार !

काठमाडौं ।
काठमाडौंमा जारि एसिया प्यासिफिक सम्मेलनमा आउने पाहुनाको यातायात सहज बनाउन भन्दै चारदिनसम्म गरेको जोर बिजोर प्रणाली आज बिहान साढे ११ बजे पछि हट्ने भएको छ। यस अघि यात्रुले निकै सास्ती बेहोर्नुपरेको भन्दै चौतर्फी आलोचना भएको थियो ।

स्वतस्फुर्त रुपमा निर्णयको अवज्ञा भैरहदा सरकार निर्णयबाट पछि हटेको छ । राजधानीका युवाहरु जोर बिजोर प्रणालीले सर्बसाधारणले सास्ती बेहोर्नुपरेकोभन्दै सरकार को निर्णय अवज्ञा गर्न सडकमा उत्रिएका थिए । ट्राफिक प्रहरी महाशाखाले सूचना प्रकाशन गरि गृह मन्त्रालयले शुक्रबार बिहान साढे ११ बजेपछि जोर बिजोर लागु नगर्न निर्देशन दिएको जनाएको छ ।

महाशाखाले यसअघि १३, १४, १५ र १६ गते क्रमश बिजोर, जोर, बिजोर र जोर नम्बर भएका सवारी साधन चलाउन पाउने भन्दै सूचना निकालेको थियो।

२०७५/०८/१४,जोर-बिजोर प्रणाली हटाइएको सम्बन्धि सुचना
—————————————————— pic.twitter.com/bA8nwUW2JX

— Metro Traffic (@valleytraffic) November 30, 2018